BADIIY MATNDA PRESUPPOZITSIYA

Abstract

Presuppozitsiya gapning vaziyat, kontekst hamda so’zlovchi va tinglovchilarning oldindan ma’lum bo’lgan umumiy bilimlari kabi elementlarni o’z ichiga oluvchi hodisadir. Presuppozitsiya hodisasi muloqot qatnashchilarining nutqiy tejamlilikka ehtiyoji, til birliklarining nutqiy vaziyatda sintaktik strukturaga qo’shimcha, ikkilamchi ma’lumot berish imkoniyatiga egaligi, suhbat qatnashchilarining bo’lib o’tgan yoki bo’lajak jarayon haqidagi oldindan ma’lum bilimlari kabi omillar ta’sirida nutqiy maydonga chiqadi. Presuppozitsiyaning til sathidagi ahamiyati tilning mohiyatini belgilaydigan qisqalik, tejamlilik tamoyillari bilan izohlanadi.